Многие прихожане просят нас дать молитву, чтобы в это непростое время иметь возможность обращаться ко Господу от сердца, прося о победе и водворении мира в нашем Отечестве. В ответ на эти просьбы епископ Леонтий составил ее текст, используя и молитву, данную Святейшим Патриархом для ежедневного чтения за Литургией. Просите, и дастся вам! Читайте сами и делитесь с другими. Если с двумя или тремя молящимися «едиными усты» присутствует Сам Христос, неужели он не услышит единодушную молитву многих, переживающих за наших воинов и молящихся о водворении мира.
Молитва ко Господу нашему Иисусу Христу о победе над супостаты
Владыко Многомилостиве, Господи Иисусе Христе, Боже наш, молитвами Всепречистыя Владычицы нашея Богородицы, святаго равноапостольнаго великаго князя Владимира, святаго благовернаго князя Александра Невского и всех святых земли Русския, благоприятну сотвори молитву нашу о Церкви, об Отечестве нашем и о всех людех Твоих.
Слава Тебе, Подателю жизни вечныя, благодарение Спасителю душ и телес, светом истины нас просветившему и веру православную, во еже хранити ю и житием добрым проповедати, нам даровавшему. Ты, Боже, избранному Твоему народу еврейскому древле нашествия иноплеменник за преступление Завета Ветхого попускал еси, егда же каяшася, изымал их из руки врага. Тако и державу греческую, и народ русский, благое иго Завета Нового восприимших, подобно сребру в горниле испытывал еси, за грехи наказуя, за благочестие же победы на супостаты им подавая. Темже утвердися серце наше в Господе нашем, возвеселихомся о спасении Твоем. Благодарим Тя за многократное избавление Отечества от врага лютаго.
Ныне же лукавый враг обольстил сердца немощных братьев наших гласами сиринов о земном рае на западе солнца, во еже верити им клевете, и брата своего ненавидети, и безумно превозноситися. Паки древний змий, отец лжи и человекоубийца, поднимает главу и воздвигает иноплеменные языки на Отечество и веру нашу.
Помози нам, Боже Спасителю наш, и избави нас, славы ради имене Твоего. Не помяни беззаконий и неправд людей Твоих, но в милости и щедротах посети смиренныя рабы Твоя, ко Твоему благоутробию припадающия. Вемы, Господи, яко по грехом нашим и за любви оскудение попущено сие беззаконие. Обаче молимся дати нам силу и разум во еже изгнати зло из пределов наших силою единства народов Отечества нашего, да людие Твои, чада света во всех концех вселенныя, прославят Тя, Любовь вечную.
От единой купели Крещения, еже при святем князе Владимире, мы, чада Твоя, благодать восприяхом, сего ради дух братолюбия и мира в сердцах наших утверди. Церковь Твою святую от распрей и расколов соблюди.
Иноплеменным же языком, брани хотящим, и правды Твоея отступником, на Святую Русь ополчающимся, запрети и замыслы их низложи.
Благодатию Твоею власть предержащих ко всякому разумению настави, воинов в бранех укрепи, в заповедях Твоих утверди и в целости в домы своя с победою возврати. Прочия же к осознанию, состраданию и соучастию сподвигни.
Прельщеныя и заблуждшия вразуми, исправи и на путь правды и созидания настави. Плененныя свободи, лишенныя крова в домы введи, голодныя напитай, недугующия и страждущия исцели, во смятении и печали сущим надежду и утешение подаждь. На поле брани убиенным прощение грехов и блаженное упокоение сотвори.
Нас же всех яже в Тя веры, надежды и любве исполни, яко да во всех странах наших единеми усты и единем сердцем исповемыся Тебе, Господу и Спасителю нашему Иисусу Христу, со Безначальным Твоим Отцем, и Пресвятым, Благим и Животворящим Твоим Духом во веки веков. Аминь.
#СызранскаяЕпархия #ЕпископЛеонтий #Молитва
